Phung bi ala lač lu hdră msir čiăng ba dhar kreh jing bruă duh mkra phŭn, đru mguôp 7%^ GDP hlăm thŭn 2030; kčĕ klei bhiăn jing phŭn êdah kdlưn, răng mgang klei dưi kriê dlăng klei thâo  leh anăn ba yua tŭ dưn ênoh yuôm knhuah gru jăk siam  Việt Nam. Phung bi ala lač, brei mbŏ hdră êlan răng mgang wăl dhar kreh hrông, dŭm bruă đru mjing mnơ̆ng dhơ̆ng.

Dhar kreh knŏng jing sa bruă mkra mjing phŭn tơdah ba yua klei mbruă leh anăn klei mbia mblei. Dŭm klei blŭ ăt kčĕ mâo klei bhiăn bi mklă dŭm mta phŭn djŏ tuôm kơ klei thâo anak mnuih čiăng mtrŭt mjhar phung leh anăn jih êpul êya hgŭm mbruă hlăm klei dhar kreh. Klei mdê hjăn bruă dhar kreh Việt Nam jing mbruă êpul êya leh anăn hdră bhiăn anei jing hdră êlan đru kơ klei thâo mbruă mơ̆ng mnuih ƀuôn sang mơ̆ng kdrăp mrâo kyua Knŭk kna mkăp leh anăn đru răng mgang klei dưi kiă kriê phung čih mkra, klei dưi djŏ tuôm.