Khua gĭt gai Đảng, Khua Lăn čar Tô Lâm bi myuôm klei duh bi liê mnia mblei mâo boh tŭ dưn mơ̆ng dŭm êpul grŭp, knơ̆ng bruă Japon ti Việt Nam hlăm dŭm thŭn êgao. Khua gĭt gai Đảng, Khua Lăn čar Tô Lâm mñă kơ dŭm êpul grŭp prŏng mơ̆ng Japon amâo djŏ knŏng pŏk mlar bruă mnia mblei, ƀiădah lŏ jing ƀĭng hgŭm đăo knang, sui thŭn, mbĭt hŏng Việt Nam mđĭ kyar bruă tuh tia, pui kmlă, wăl mnơ̆ng hdĭp lu dhar kreh leh anăn dŭm mta bruă mrâo ti Việt Nam.

Khua gĭt gai Đảng, Khua Lăn čar Tô Lâm brei thâo, Việt Nam dôk mŭt hlăm wưng đĭ kyar mrâo, bi bi leh mta kñăm jing ala čar đĭ kyar, mâo hnư hrui wĭt lu hlăm thŭn 2045. Čiăng dưi ngă mta kñăm anei, klei čiăng iêo jak dŭm ai dưi kơ klei đĭ kyar bruă mkŏ mkra hdră êlan, pui kmlă, klei kreh knhâo kdrăp mrâo, bi mlih mtah leh anăn mđĭ ai dưi bi ktưn bruă duh mkra jing prŏng sơnăk. Việt Nam lŏ dơ̆ng bi kluôm hdră êlan, bi hơĭt wăl anôk duh bi liê mnia mblei, rơ̆ng klei hơĭt bruă duh mkra hnơ̆ng prŏng, răng mgang boh tŭ djŏ hdră bhiăn, năng mơ̆ng  mơ̆ng phung duh bi liê, mkŏ mjing klei găl kơ dŭm knơ̆ng bruă ala tač êngao ngă bruă tŭ dưn, sui ti Việt Nam.