Bruă sang čư̆ êa alŭ wăl dăp anôk dôk, mkăp brei mnơ̆ng yua čiăng êdi leh anăn tiŏ nao êpul êya nao răng mgang ngăn dŏ, amâo brei mnuih ƀuôn sang lŏ wĭt ti anôk hŭi hyư̆t êjai hjan prŏng êa lêč ka ruĕ. Hluê anăn, dŭm anôk mbĕ đuĕ mâo: Čư̆ Một, čư̆ bà Hỏa, Xóm Đăng, Xóm Đò leh anăn alŭ wăl Hải Minh.

Čiăng kơ mnuih ƀuôn sang hơĭt ai tiê dôk kđăp, Bruă sang čư̆ êa alŭ wăl dăp leh anôk mbĕ đuĕ, mprăp kơ mnơ̆ng ƀơ̆ng, êa yua, băn mŭng leh anăn dŭm mta mnơ̆ng yua čiăng êdi. Ti anăp klei adiê hjan prŏng adôk dleh dưi ksiêm dlăng, ti ƀuôn hgŭm Quy Nhơn leh anăn kluôm čar Gia Lai lŏ dơ̆ng rơ̆ng kơ êpul gak răng 24/24, ktuê dlăng klă boh klei yan adiê, ksiêm dlăng kjăp dŭm anôk hŭi hyư̆t.