Hlăm klei bi tuôm, Khua gĭt gai Đảng, Khua lăn čar Tô Lâm leh anăn Mô̆ ñu kah mbha leh kơ lu bruă mjĕ mjuk dhar kreh hlăm klei nao čhưn ăt msĕ mơh klei msĕ hlăm knhuah hdĭp leh anăn dhar kreh mơ̆ng dua ala čar. Khua gĭt gai Đảng, Khua lăn čar Tô Lâm mñă klă dua ala čar mâo lu klei găl mtrŭt mđĭ klei bi hgŭm hlăm bruă mtô bi hriăm, mnuih mă bruă mâo hnơ̆ng thâo, bruă mdrao mgŭn, dhar kreh, hiu čhưn ênguê, bruă lŏ hma hlăm wưng kơ anăp.

Ƀri gưl anei, Khua gĭt gai Đảng, Khua lăn čar Tô Lâm bi ala kơ Đảng, Knŭk kna leh anăn mnuih ƀuôn sang Việt Nam iêo jak Mtao Naruhito leh anăn Mô̆ mtao pral hriê čhưn ti Việt Nam hlăm wưng bi hdơr 55 thŭn mkŏ mjing klei mjĕ giăm Việt Nam - Japon hlăm thŭn 2028; bi mklă klei hriê čhưn srăng jing hdră yuôm bhăn mâo mnuih ƀuôn sang dua ala čar čang hmăng.