Ti knăm anei, bi ala kơ khua gĭt gai Đảng, knŭk kna, Khua knŭk kna Lê Minh Hưng mđup brei mêđai mă bruă mrô sa kơ sang hră gưl prŏng bruă duh mkra ala čar kyua mâo leh klei tŭ êdah kdlưn hlăm bruă ksiêm duah klei kreh knhâo, ba jao kdrăp mrâo leh anăn mjuăt bi hriăm mnuih mă bruă mâo klei thâo, đru mguôp sĭt êmĭt hlăm klei mđĭ kyar bruă duh mkra- ala ƀuôn mơ̆ng lăn čar. Khua knŭk kna Lê Minh Hưng bi mni kơ dŭm klei đru mguôp prŏng prĭn mơ̆ng Sang hră ksiêm hriăm bruă duh mkra ala ƀuôn kơ bruă mtô mjuăt bi hriăm leh anăn mđĭ kyar bruă duh mkra - ala ƀuôn mơ̆ng lăn čar.

Hlăm boh klei ênuk mrâo, Khua knŭk kna jao kơ sang hră mđing mjuăt bi hriăm mnuih thâo, mnuih mă bruă hnơ̆ng tŭ jăk, mlih ktang jing mjuăt bi hriăm hluê si klei čiăng sĭt mơ̆ng lăn čar, bi mguôp klei thâo anak mnuih (AI), klei thâo mrô leh anăn mjuăt bi hriăm knhuah hdĭp, klei mĭn mpŭ kơ hdră bhiăn lăn čar. Ƀri wưng hruê phung nai mtô Việt Nam anăp truh, Khua knŭk kna hơêč hmưi kơ phung nai mtô, phung kreh knhâo, knuă druh, mnuih mă bruă mbĭt hŏng jih jang phung hđeh hriăm hră, phung hriăm gưl prŏng Sang hră gưl prŏng bruă duh mrka ala čar mâo lu klei suaih pral, yâo mơak leh anăn tŭ jing.