Hdră mâo ba mdah hluê ngă hlăm kluôm ala hlăm wưng 10 thŭn (2026 - 2035), kñăm msir mghaih dŭm bruă mâo hnơ̆ng prŏng, lu dhar bruă, lu krĭng kơ hdră gang mkhư̆ matuĭ lehanăn gang mkhư̆ phung ngă soh. Ênoh prăk bi liê hluê ngă Hdră bruă wưng thŭn 2026 - 2030 tĭng srăng mâo êbeh 45.301 êklai prăk, tĭng kluôm ênoh prăk bi liê hluê ngă Hdră bruă hlăm wưng thŭn 2031 - 2035 jing hlăm brô êbeh 18.151 êklai prăk.

Hnơ̆ng čuăn klă klơ̆ng truh ti thŭn 2030: grăp thŭn, bi hrŏ ênoh mnuih djŭp hăt, mnuih yua soh hŏng hdră bhiăn hăt; gĭr ktưn truh ti thŭn 2030 mâo ƀiă êdi 50% ênoh să, ƀuôn hgŭm, wăl krah hlăm kluôm ala amâo mâo hăt. Brei klei blŭ kơ mta phŭn anei, Khua bruă kƀĭn ala Trần Thanh Mẫn tŭ ư hŏng hdră êlan mơ̆ng hdră, ƀiădah hluê si Khua bruă kƀĭn ala, klei yuôm bhăn jing si ngă bruă čiăng mâo boh tŭ dưn, mơ̆ng boh tŭ dưn anăn mjing boh tŭ dưn klă sĭt jing bi hrŏ klei ngă soh hlăm djăp mta.