Gưl hriê čuă čiăng bi kjăp klei mjĕ giăm, đăo knang plah wah khua gĭt gai gưl dlông leh anăn Bruă Kbĭn ala dua ala čar hlăm wưng păn bruă mrâo, mbĭt anăn bi lar bruă klam bruă hŏng tač êngao Bruă Kbĭn ala, mtrŭt mđĭ klei bi mguôp dua tĭng ƀrư̆ hruê ƀrư̆ klă klơ̆ng, tŭ dưn. Klei mjĕ giăm Việt Nam - Lào lŏ dơ̆ng dưi ksul mbŭ hŏng tur knơ̆ng bi hgŭm prŏng prĭn, bi mguôp jăk siam, kluôm dhuôm leh anăn bi mguôp hdră êlan. Bi mguôp bruă duh mkra, mnia mblei leh anăn duh bi liê plah wah dua ala čar mâo lu klei bi mlih jăk.

Hlăm 7 mlan akŏ thŭn 2026, Việt Nam mâo thiăm 20 hdră duh bi liê kơ Lào, hŏng ênoh prăk bi klă êbeh 638 êklăk USD, mđĭ ênoh duh bi liê bi kƀĭn truh 7 êklai dolar Mi. Hlăm gưl hriê čhưn, dua tĭng srăng mđĭ hĭn kah mbha klei hriăm čih mkra hdră bhiăn, ktuê dlăng leh anăn bi mguôp hluê ngă dŭm klei kuôl kă gưl dlông, ruh mgaih klei dleh dlan hlăm klei bi mguôp bruă duh mkra - ala ƀuôn, mbĭt anăn mtrŭt mđĭ ktang klei bi mguôp hlăm dŭm klei kƀĭn Bruă Kbĭn ala alŭ wăl leh anăn lu ala čar, đru mđĭ hĭn bruă klam, kơhưm mơ̆ng Bruă Kbĭn ala dua ala čar.