Đại tá Hoàng Hồng Bàn ară anei dôk bi kƀĭn hlăm Êpul bruă Đảng alŭ 12, Bruă Đảng ƀuôn hgŭm Tân Bình, ƀuôn prŏng Hồ Chí Minh. Hlăm mmông mđup brei, Khua dlăng bruă Đảng ƀuôn prŏng Hồ Chí Minh Trần Lưu Quang êmuh hrăm klei suaih pral, hơêč hmưi kơ Đại tá Hoàng Hồng Bàn hdĭp jŏk, lŏ dơ̆ng jing gru mngač kơ ênuk êdei tui hlue.

Ñu bi mklă, Anăn knăl 80 thŭn Đảng jing klei pah mni yuôm bhăn, čih yap hdră duh myơr sui, klei mĭn kjăp leh anăn ai tiê sĭt suôr hŏng Đảng, hŏng yang ƀuôn leh anăn sa čô đảng viên. Đại tá Hoàng Hồng Bàn kkiêng thŭn 1927, ƀuôn sang Hải Phòng, hgŭm krŭ kdơ̆ng mơ̆ng hnưm, hriê kơ prŏng hlăm êpul kahan leh anăn tuôm ngă lu bruă klam hlăm klei hâo hưn hgăm, mtô bi hriăm bruă. Hlăm hdră mă bruă, ñu mâo mđup brei lu klei pah mni yuôm bhăn msĕ si Medai  lĭng kahan mrô dua, medai klei mblah êdah kdlưn mrô sa leh anăn mrô tlâo hŏng lu medai mkăn.