Kơ boh sĭt hluê ngă hdră mtrŭn klei kƀĭn kluôm tal 13 mơ̆ng Đảng leh anăn Klei kƀĭn kluôm bruă Đảng ƀuôn prŏng Hà Nội gưl tal 17 wưng thŭn 2020 – 2025, bruă hyuă kjăp, hluê ngă asăp mtrŭn mrô 35 hruê 14/06/2024  mơ̆ng phŭn bruă kđi čar kơ klei kƀĭn bruă Đảng dŭm gưl anăp truh kơ Klei kƀĭn kluôm phung bi ala kluôm ala tal 14 mơ̆ng Đảng.

Bơ̆k bâo kơ bruă klam hlăm wưng kơ anăp, Khua gĭt gai Đảng, Khua lăn čar Tô Lâm mñă kơ ƀuôn prŏng Hà Nội čiăng ktang hluê ngă lu hdră êlan bi hmar mâo mă boh tŭ dưn hnưm hĭn, hlăm anăn mjêč bi leh dŭm hnơ̆ng čuăn, hdră êlan mâo leh hlăm klei kƀĭn kluôm bruă Đảng ƀuôn prŏng tal 17 wưng thŭn 2020 – 2025. Khua gĭt gai Đảng, Khua lăn čar Tô Lâm mñă kơ ƀuôn prŏng Hà Nội yua tŭ dưn djăp ai dưi čiăng mđĭ kyar, mă bruă duh mkra ƀuôn prŏng jing boh kdrŭt, nao mbĭt hŏng mđĭ kyar dhar kreh, mkŏ mjing mnuih Hà Nội mrâo mrang, bi mguôp wăl mđĭ kyar dhar kreh hŏng krĭng ƀuôn sang mrâo hluê êlan mrâo mrang, gĭt ktưn jing ƀuôn prŏng mkŏ tar rŏng lăn.