Tinei, Khua gĭt gai Đảng, Khua Lăn čar Tô Lâm brei thâo, mbĭt hŏng klei mđing uêñ, hluê ngă hdră êlan hŏng găp djuê phung djiê êngiă, phung kahan êka êkeh, kahan ruă duam, kahan hđăp, phung đru mguôp kơ klei mtlaih êngiê djuê ana, hluh lir lăn čar, răng mgang klei hnŭk êngiê leh anăn kluôm dhuôm krĭng lăn, răng kriê klei êđăp ênang leh anăn mđĭ kyar lăn čar...

Đảng, knŭk kna leh anăn jih jang yang ƀuôn hlăk gĭr tui duah, bi kƀĭn, bi klă anăn phung lĭng kahan djiê êngiă dôk leh hlăm lăn amĭ Việt Nam leh anăn lĭng kahan ngă bruă klam hŏng tač êngao prŏng prĭn. Khua gĭt gai Đảng, Khua lăn čar Tô Lâm mtă, Anôk bruă brei bi hgŭm kjăp hŏng dŭm sang êa drao gưl dlông čiăng ksiêm mkă klei ruă, đăo knăl, dŏng mdrao leh anăn pral ba nao, khut khat amâo mâo brei klei ngă hră mơar bi êmưt bruă mdrao mgŭn. Kyua Klei Đảng, Knŭk kna leh anăn kluôm ala ƀuôn srăng ngă jing bi đru dŭm klei dleh dlan adôk, čiăng kơ phung awa, phung ayŏng, phung amai adei hdĭp mơak mñai, hdĭp suaih pral, êđăp ênang; dưi dlăng ba hŏng klei khăp čiăng, klei mpŭ leh anăn klei jăk siam.