Khua gĭt gai Đảng Nguyễn Phú Trọng lač jăk kơ klei đru mơ̆ng Đảng, knŭk kna leh anăn mnuih ƀuôn sang China hŏng Việt Nam hlăm klei krŭ kldơ̆ng sua wĭt klei êngiê êlâo dih leh anăn bruă mkŏ mjing hdră êlan yang ƀuôn ngă phŭn ară anei. Yap yuôm bhăn bruă Đảng čar, bruă sang čư êa leh anăn mnuih ƀuôn sang Quảng Tây hlăm lu thŭn êgao mâo klei uêñ mĭn, kriê pioh dŭm wăl anôk djŏ tuôm hŏng khua gĭt gai Hồ Chí Minh leh anăn bruă cách mạng Việt Nam ti Quảng Tây.

Khua gĭt gai Đảng Nguyễn Phú Trọng bi êdah klei hơ̆k mơak kơ dŭm klei đĭ kyar hlăm klei mjĕ giăm plah wah Quảng Tây leh anăn dŭm alŭ wăl knông lăn ti Việt Nam, mñă kơ Quảng Tây leh anăn dŭm čar knông lăn mơ̆ng Việt Nam lŏ dơ̆ng nao êlâo bi lar klei bi mguôp hlăm bruă duh mkra – mnia mblei, hluê ngă klei bi mguôp bruă hiu čhưn ênguê, klei êđăp ênang, bruă lĭng kahan, mjĕ êrô mnuih ƀuôn sang, hrăm mbĭt rŭ mjing êlan knông lăn êđăp ênang, bi hgŭm.