Blŭ hrăm gĭt gai klei bi kƀĭn, Khua gĭt gai Tô Lâm mñă, čhuang hlăm ênuk gưl mđĭ kyar mrâo mơ̆ng lăn čar, klei mjĕ mgiăm hŏng ala tač êngao mơ̆ng Việt Nam bi êdah klei mlih mrâo klei mĭn, mâo dŭm knhuang prŏng. Snăn bruă mjĕ mgiăm hŏng ala tač êngao bi klă dŭm boh phŭn, ngă jêñ jêñ”, krơ̆ng kjăp bruă klam ba anăp nanao hlăm bruă răng mgang lăn čar mơ̆ng hnưm mtam, mơ̆ng kbưi lehanăn anôk anôk bi mguôp mrâo hŏng ala tač êngao, mjing klei jăk găl kơ lăn čar mđĭ kyar.

Klei mjĕ mgiăm hŏng ala tač êngao anăn brei bi năng hŏng klei dưi, klei jing, lehanăn knhuah gru dhar kreh djuê ana, kñăm bi mklă klei jing mơ̆ng  sa Việt Nam hnŭk êngiê, čŏng pô kpưn đĭ tui duah klei êđăp ênang, hgŭm mbĭt hlăm klei thâo uêñ. Atur kơ klei mjĕ mgiăm jing čŏng pô tui duah hdră êlan, čŏng krơ̆ng kjăp djuê ana, ba wĭt klei tŭ dưn prŏng kơ lăn čar lehanăn kơ djuê ana, mă mnuih ƀuôn sang jing giê mkă hlăm jih jang hdră êlan, lehanăn dlăng klei đru mguôp mơ̆ng jih jang lăn čar dlông rŏng lăn jing bruă klam. Mbĭt anăn, klei mjĕ mgiăm hŏng ala tač êngao jing bruă klam mơ̆ng Đảng, jih jang mnuih ƀuôn sang, dưn yua jih klei ktang thâo bi mguôp wăt kđi čar mơ̆ng lăn čar./.