Khua knŭk kna mñă klă Việt Nam leh anăn Japon adôk mâo lu klei găl mtrŭt mđĭ klei bi mguôp, hlăm anăn JBIC mâo bruă klam yuôm bhăn hlăm klei iêo jak ai dưi kơ dŭm hdră bruă êlan klông leh anăn bi mlih mtah. Khua knŭk kna akâo kơ JBIC lŏ dơ̆ng mjing kdrông mkŏ, ksiêm duah dŭm hdră êlan ngăn prăk, rơ̆ng kơ klei bi liê djŏ guôp čiăng đru mđĭ kyar dŭm wăl tuh tia mkra mjing, anôk bruă kreh knhâo mrâo mrang leh anăn anôk mkra mjing kdrăp mrâo ti Việt Nam.

Khua kiă kriê Maeda Tadashi brei thâo JBIC čang hmăng pŏk mlar dŭm hdră bi hgŭm klă klơ̆ng, đru bi sĭt boh tŭ gưl hriê čhưn ti Việt Nam mơ̆ng Khua knŭk kna Japon lehanăn djŏ hŏng hdră êlan jak iêu hdră duh bi liê mơ̆ng Việt Nam.