Dua nah bi myuôm dŭm klei đĭ kyar jăk klei bi mguôp dua Đảng, dua lăn čar hlăm wưng leh êgao, boh nik hlue ngă dŭm klei Khua gĭt gai gưl dlông dua ala čar tŭ ư leh. Khua knŭk kna Lê Minh Hưng čang hmăng lŏ hyuă kjăp hĭn hdră êlan, mă bruă mbĭt, mâo nanao klei bi tuôm khua êmua gưl dlông, mđĭ hĭn klei mkŏ êlan klông, boh nik hlăm anăn mkŏ êlan êdeh treng.

Khua knŭk kna ăt čang hmăng pŏk mlar hĭn klei hgŭm hlăm bruă kreh knhâo, kdrăp mrâo, klei mjuăt bi hriăm mnuih mă bruă mâo klei thâo hĭn hlăm bruă mdrao mgŭn, bruă dhar kreh, lehanăn bruă hiu čhưn ênguê. Khua knŭk kna Lý Cường bi mklă China yap nanao Việt Nam jing ala čar tal êlâo hlăm klei mjĕ mgiăm ti alŭ wăl, mprăp kơ klei hgŭm êlan êdeh treng, hyuă kjăp klei bi hgŭm alŭ wăl, bi hgŭm lu mta bruă, pŏk mlar klei bi mnia mblei boh mnga plah wah dua ala čar./.