­Klei hưn hlăm klei kƀĭn brei thâo,  bruă duh mkra lŏ dơ̆ng čih yap lu gru mngač. Hnơ̆ng klei mnia mblei gưl tal êlâo mâo êbeh 1.000 êklai USD. Ênoh prăk duh bi liê ala tač êngao bi klă mâo hlăm brô 55 êklai USD, hnư hrui wĭt prăk Knŭk kna mâo 2,44 êklăk êklai prăk. Năng mđing hĭn, êbeh 900 hdră adôk dưi ba yua. Bi klă hlăm mmông bi kƀĭn, Khua Knŭk kna Lê Minh Hưng  mñă ktang, ksiêm dlăng klei prăk luč ênoh, rơ̆ng hơĭt bruă duh mkra hnơ̆ng prŏng jing bruă klam mrô 1 hlăm 2 mlan knhal jih thŭn, mkŏ mjing tur knơ̆ng kơ klei đĭ kyar hơĭt kjăp leh anăn rơ̆ng kơ klei hơĭt yang ƀuôn.

Khua Knŭk kna mñă kơ dŭm phŭn, dhar bruă, alŭ wăl ktang phĭt bi liê 100% prăk duh bi liê bruă Knŭk kna, ruh mgaih klei dleh dlan kơ dŭm hdră êmưt, msir dŭm klei kpăk kơ sang dôk Knŭk kna, anôk bruă Knŭk kna leh anăn lăn Knŭk kna. Mbĭt anăn, mtrŭt mđĭ ktang klei mnia mblei, mtrŭt mđĭ klei ba yua leh anăn mtrŭt mđĭ klei mnia mblei, đru hluê ngă mta kñăm đĭ kyar bruă duh mkra kluôm thŭn.