Leh knăm drông, dua khua gĭt gai ngă khua êpul gưl dlông dua ala čar ngă klei bi trông kñăm mđĭ klei bi hgŭm dua nah. Việt Nam leh anăn Campuchia mkŏ mjing   klei bi hgŭm hŏng tač êngao mơ̆ng thŭn 1967 leh anăn mđĭ lar nanao dŭm bruă bi trông êpul, bi tuôm gưl dlông.

Bi hgŭm lĭng kahan - klei êđăp ênang lŏ dơ̆ng jing kmeh gơ̆ng yuôm bhăn, hlăm anăn dua tĭng bi mklă amâo brei ya êpul yua lăn ala čar pô ngă jhat kơ klei êđăp ênang ala čar mkăn. Klei bi hgŭm bruă duh mkra, mnia blei, bi liê leh anăn hiu čhưn ênguê lŏ dơ̆ng đĭ kyar jăk. Thŭn 2025, prăk hrui wĭt mnia blei dua nah mâo 11,33 êklai USD; pă mlan akŏ thŭn 2026 mâo giăm 5 êklai USD, đĭ 9,6% mkă hŏng wưng anei. Dua ala čar dôk bi hgŭm hlue ngă klei kñăm mđĭ prăk hrui wĭt mnia blei truh 200 êklai USD hlăm wưng kơ anăp, mbĭt anăn lŏ dơ̆ng mđĭ klei mjĕ êrô mnuih ƀuôn sang leh anăn bi hgŭm hiu čhưn ênguê.