Bi mni kơ dŭm klei đru mguôp yuôm bhăn mơ̆ng Êpul gơ̆ng hlăm wưng thŭn 2021-2026, boh nik hlăm klei ksiêm wĭt 40 thŭn klei mlih mrâo, mkŏ mjing hră mơar kơ klei bi kƀĭn prŏng 14, Khua gĭt gai Tô Lâm mñă, Êpul gơ̆ng mâo leh klei mlih mrâo, păn kjăp bruă kđi čar, ngă mtam bruă prŏng, bruă dleh, bruă mjêč mơ̆ng Dhar bruă kiă kriê gưl dlông, phŭn bruă kđi čar, Êpul khua kiă kriê gưl dlông.

Mñă Khua gĭt gai Tô Lâm lač, Êpul gơ̆ng lŏ dơ̆ng ksiêm duah kjăp hĭn kơ yang ƀuôn ngă phŭn, hdră êlan kơ klei đuĕ nao kơ yang ƀuôn ngă phŭn ti Việt Nam hlăm klei mlih mrâo ênuk ară anei. Čŏng bi mlih pral hĭn, kjăp hĭn hlăm jih jang bruă, ruh mgaih jih klei dôk gun kpăk, mơ̆ng anăn mâo dŭm hdră êlan mrâo jăk hĭn mơ̆ng Đảng. Wưng anei, Khua gĭt gai Tô Lâm ăt mtă kơ dŭm phŭn dhar bruă alŭ wăl lŏ dơ̆ng ksiêm bi kjăp čiăng kơ Êpul gơ̆ng hlak mblang gưl; dlông bi leh jăk, bi leh bruă čuăn, hgŭm hlăm klei ksiêm duah, jing bruă klam kơ kđi čar mơ̆ng pô, đru mkŏ mjing klei hlak mblang bruă cách mạng Việt Nam ênuk ară anei, hlăm klei mlih mrâo./.