Khua Knŭk kna brei thâo, čiăng bi khuăt mnuih mă bruă leh anăn bi klă dŭm anôk mkŏ kiă kriê, bi mguôp ngă 4 hdră ala čar kñăm (mâo: mkŏ mkra krĭng ƀuôn sang mrâo, mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng. Mđĭ kyar dhar kreh, kriê dlăng klei suiah pral, ênoh mnuih ƀuôn sang leh anăn mđĭ kyar leh anăn bi mrâo mrang, mđĭ hnơ̆ng jăk bruă mtô mjuăt bi hriăm).

Knŏng hdră ala čar kñăm gang mkhư̆ matuĭ mơ̆ng phŭn bruă Kahan ksiêm jing pô ngă bruă. Khua Knŭk kna mñă brei mâo hdră êlan msir klei êmưt klei brei čan, boh nik jing ênoh prăk thŭn 2026 leh anăn ênoh prăk wưng thŭn 2021 - 2025 dưi ba ti thŭn 2023. Mbĭt anăn, dŭm anôk bruă gĭt gai mâo Phŭn bruă lŏ hma leh anăn wăl hdĭp mda, Phŭn bruă djuê ana leh anăn klei đăo čiăng bi mguôp jăk hŏng Phŭn bruă sang hră mơar, Phŭn bruă dhar kreh, mjuăt ktang asei mlei leh anăn hiu čhưn ênguê čiăng hluê ngă hrăm mbĭt dŭm hdră êlan, rơ̆ng bi leh dŭm mta kñăm mâo leh.