Ti knăm anei, bi ala phung khua kiă kriê Đảng, Knŭk kna, Khua knŭk kna Lê Minh Hưng jao leh anăn knăl Pô jhŏng ktang djă phao ktuang yang ƀuôn mđup brei kơ Kahan ksiêm ƀuôn prŏng Hải Phòng. Bi mni, hơêč hmưi kơ dŭm boh tŭ dưn êdah kdlưn mơ̆ng kahan ksiêm ƀuôn prŏng Hải Phòng, Khua knŭk kna lač klă, anăn knăl Pô jhŏng ktang djă phao ktuang yang ƀuôn amâo djŏ knŏng jing klei ktưn hưn mơ̆ng Êpul kahan ksiêm ƀuôn prŏng Hải Phòng ƀiădah lŏ jing klei mơak, klei kdrưh mơ̆ng bruă Đảng, bruă Knŭk kna, lĭng kahan lehanăn mnuih ƀuôn sang ƀuôn prŏng Hải Phòng.

Khua knŭk kna đăo knang hŏng knhuah gru jhŏng ktang, klei thâo kjăp hlăm bruă kđi čar, ai tiê mlih mrâo, klei gĭr ktưn prŏng, kahan ksiêm ƀuôn prŏng Hải Phòng srăng lŏ ba wĭt lu boh tŭ dưn kdlưn hĭn, bi leh jih bruă klam mâo kčah jao, năng hŏng anăn knăl yuôm bhăn jing Pô jhŏng ktang djă phao ktuang yang ƀuôn, kyua klei đĭ kyar, kreh dhar, mrâo mrang mơ̆ng ƀuôn prŏng Hải Phòng, mơ̆ng ala čar, kyua klei yâo mơak mơ̆ng Mnuih ƀuôn sang./.