Truh kơ ară anei, 100% anôk bruă mơ̆ng čar truh ti să mơ̆ng Lâm Đồng mkŏ leh êlan mạng ba yua kdrăp mrô thơ̆ng kơ bruă, yua hră mơar điện tử, boh hră siñê mrô ba yua hơĭt kjăp hŏng ênoh siñê boh hră mrô mâo êbeh 93%. Hlăm Mbah hâo hưn bruă knŭk kna, giăm 92% klei ngă hră mơar online, ênoh msir mghaih hră mơar djŏ hdră êbeh 97%, kdrăp mrô, lŏ ba yua kdrăp hră mơar mrô êbeh 95%.

Hluê si Lê Thanh Liêm, Kơiăng khua knơ̆ng bruă kreh knhâo – kdrăp mrâo čar Lâm Đồng, bruă ba jao kdrăp mrô đru mkŏ leh klei hâo hưn mrô mơ̆ng čar truh kơ să, bi hrŏ klei ngă hră mơar, bi hrŏ hruê mmông msir mghaih klei ngă hră mơar. Khă snăn, alŭ wăl ăt tuôm hŏng klei dleh dlan kyua hră mơar mrô dưi dưi hưn mdah, êmưt bi mklă lehanăn kƀah mnuih thâo raih kơ kdrăp mrô ti gưl să. Hlăm wưng ti anăp, knơ̆ng bruă kreh knhâo – kdrăp mrâo čar Lâm Đồng srăng mđing mkŏ mkra anôk bruă mrô kluôm, mđĭ boh tŭ Anôk bruă kriê dlăng thâo mĭn lehanăn mđĭ kyar klei thâo kơ mnuih mă bruă ti gưl nah gŭ./.