Hluê si klei hưn mdah hlăm klei kƀĭn, 6 mlan akŏ thŭn 2026, jih jang lĭng kahan dưi rơ̆ng kjăp klei kdơ̆ng mblah, thâo klă boh sĭt leh anăn hmao đru kčĕ hŏng Đảng, Knŭk kna mgaih msir mbruă, tŭ dưn dŭm boh klei, răng mgang kjăp klei dưi kiă kriê lăn čar.

Hlăm wưng kơ anăp, jih jang lĭng kahan tŭ ư hyuă kjăp êlam klei gĭt gai mơ̆ng Khua gĭt gai Đảng, Khua Lăn čar Tô Lâm, Khua knơ̆ng gĭt gai lĭng kahan gưl dlông, anăn jing gĭr kdlưn hĭn, bi leh tŭ dưn bruă klam thŭn 2026. Hlăm anăn, dŭm bruă klam phŭn jing mđĭ ai dưi đăo knăl hdră êlan, hmao msir dŭm boh klei, amâo mâo brei kjăt, ba mdah mkra mlih hdră êlan răng mgang lăn čar djŏ guôp hŏng boh sĭt. Rơ̆ng mprăp klei kdơ̆ng mblah, răng mgang wăl adiê, êa ksĭ, knông lăn leh anăn internet. Dlăng yuôm bruă iêo jak phung thâo mă bruă bi mâo klei čiăng ênuk mrâo mrang, mtrŭt mđĭ bruă hluê ngă gru mngač Hồ Chí Minh, mđĭ hĭn boh tŭ dưn čung ba mnuih ƀuôn sang.