Khua knŭk kna Phạm Minh Chính gĭt gai Klei bi kƀĭn tal pă Êpul gơ̆ng gĭt gai krĭng Ngŏ kwar Dhŭng
Thứ hai, 09:55, 12/08/2024
VOV TAYNGUYEN
VOV TAYNGUYEN
VOV4.Êđê- Ti ƀuôn prŏng Hồ Chí Minh, Khua knŭk kna Phạm Minh Chính, Khua Êpul gơ̆ng gĭt gai krĭng Ngŏ kwar Dhŭng gĭt gai Klei bi kƀĭn tal Pă mơ̆ng Êpul gơ̆ng čiăng ksiêm dlăng hlue ngă dŭm boh phŭn kčah hlăm Klei bi kƀĭn tal 3 leh anăn pŏk ngă Hdră kčah krĭng Ngŏ kwar Dhŭng wưng 2021-2030, hnơ̆ng trah dlăng truh thŭn 2050.
Khua knŭk kna Phạm Minh Chính jao kơ Phŭn bruă hdră kčah leh anăn duh bi liê bi hgŭm hŏng Adŭ bruă Knŭk kna leh anăn dŭm phŭn bruă, alŭ wăl djŏ tuôm ksiêm dlăng, hrui mă klei blŭ, čiăng lŏ dơ̆ng kčĕ tŭ dưn kơ Êpul gơ̆ng gĭt gai krĭng Ngŏ kwar Dhŭng hlăm hdră pŏk ngă Hdră čuăl mkă krĭng wưng kơ anăp.
Kơ dŭm bruă klam mbĭt, boh phŭn, Khua knŭk kna mtă kơ dŭm phŭn, dhar bruă, alŭ wăl hlue si klei dưi ktuê dlăng hdră kñăm, hnơ̆ng kčah mơ̆ng ară anei truh jih thŭn 2024 čiăng gĭr ktưn bi leh, đru hlăm hdră kñăm mđĭ kyar, hơĭt bruă duh mkra kluôm, ksiêm dlăng klei prăk luč ênoh, rơ̆ng klei bi kna prŏng.
Viết bình luận