Klei bi kƀĭn bi mklă Hdră mtrŭn, bi mklă 13 hnơ̆ng kčah, 5 bruă klam êdah kdlưn; 7 Hdră bruă, hdră bruă phŭn hlue ngă hlăm wưng 2026-2031. Sa klei mrâo yuôm bhăn tă hdră mơ̆ng wưng anei jing Klei bi kƀĭn bi mklă pŏk ngă hdră “Phung mda asei Việt Nam ba anăp hlăm ênuk mrâo”, mjing boh kdrŭt kơrŭ wĭt ktang ai tiê ba anăp, mbruă leh anăn klei čang hmăng duh myơr phung êdam êra. Klei bi kƀĭn ăt bi mklă pŏk ngă hdră “Mđĭ kyar kluôm phung êdam êra Việt Nam”  hlăm klei hriăm hră, mđĭ kyar klei thâo; mđĭ kyar, hriăm mjuăt asei mlei; mđĭ klei hdĭp dhar kreh ai tiê.

Hŏng ai tiê “ Klei thâo čŏng ngă - ba anăp mbruă - čang hmăng duh myơr- kriê dlăng êdei anăp”, Klei bi kƀĭn iêô mthưr jih jang dŭm gưl knuă druh êdam êra, jih jang phung êdam êra Việt Nam hlăm ala čar leh anăn ala tač êngao thâo săng klă bruă klam; mđĭ lar klei ktang khăp kơ ala čar, klei čang hmăng mđĭ kyar, ai tiê mpŭ kơ djuê ana, ênoh yuôm dhar kreh anak mnuih Việt Nam, ai tiê hur har phung hlăk ai čiăng mjêč pŏk ngă mtam dŭm boh phŭn mâo Klei bi kƀĭn bi mklă leh, mjing klei pral kơ sa wưng păn bruă mrâo hŏng klei tŭ dưn mrâo.