Aguah hruê 25/6, Khua hlăm bruă Đảng gưl dlông, Kơiăng khua knŭk kna Phạm Thị Thanh Trà gĭt gai Klei bi kƀĭn ksiêm wĭt bruă hluê ngă bruă klam 6 mlan akŏ thŭn lehanăn pŏk ngă bruă 6 mlan knhal jih thŭn 2026 kơ bruă tui duah, bi mklin lehanăn bi mklă anăn kahan djiê êngiă. Hluê klei hưn, mơ̆ng akŏ thŭn truh ară anei, kluôm ala mâo tui duah, bi mklin êbeh 1.255 klang kleh kahan djiê êngiă lehanăn 3 wăl msat ti Tuyên Quang, hrui êbeh 93.400 mta sinh phẩm găp djuê phung kahan êngiă, bi mklă êbeh 53.000 mta hlăm kdrăp mrô.

Blŭ hrăm ti knăm anei, Kơiăng khua knŭk kna Phạm Thị Thanh Trà brei thâo, mơ̆ng ară anei truh kơ knhal jih thŭn, kluôm ala gĭr tui duah, bi mklin hlăm brô 3.000 klang kleh kahan djiê êngiă; mă mta lehanăn ba jao hlăm brô 110.000 mta klang kleh; mă 100.000 mta sinh phẩm găp djuê phung kahan êngiă lehanăn bi mklă AND kơ 9.000 mta klang kleh. Kơiăng khua knŭk kna Phạm Thị Thanh Trà mtă brei ba yua jih klei găl mâo čiăng pŏk ngă tŭ dưn Hdră 500 hruê mlam, mtrŭt mđĭ hdră tui duah, bi mklin klang kleh kahan djie êngiă hlăm kluôm ala čar./.