Tui si klei hâo mdah, thŭn 2024 mâo êbeh 20.500 klei mrâo, klei čih mơ̆ng dŭm anôk bruă klei mrâo čih lač kơ čar Kon Tum. Mbĭt hŏng dŭm klei hâo hưn djăp ênŭm, pral djŏ boh sĭt klei dôk găn, bruă klei mrâo ăt hmao ƀuh, hlak mblang bi êdah kơ dŭm klei awăt kƀah klei dôk ka djŏ ti dŭm alŭ wăl hlăm čar.

Anei jing klei hâo hưn yuôm bhăn đru hlăm bruă kiă kriê, gĭt gai mơ̆ng čar, knư̆ hrue knư̆ mâo klei tŭ dưn. blŭ hrăm ti anôk bi kƀĭn, U Huấn, k'iăng khua bruă Đảng čar Kon Tum čang hmăng: Thŭn 2025, bruă klei mrâo lŏ đru mguôp prŏng hĭn kơ bruă kiă kriê, gĭt gai mơ̆ng dŭm gưl bruă Đảng, dŭm knơ̆ng dhar bruă hlăm klei bi kƀĭn prŏng Đảng djăp gưl wưng thŭn 2025-2030, mđĭ ai hlăm kluôm Đảng, jih jang mnuih ƀuôn sang lehanăn lĭng kahan sa ai tiê hlue ngă klei tŭ dưn mơ̆ng hdră êlan dăp wĭt mnuih ngă bruă hŏng klei khuăt jih jang êpul bruă kđi čar. Wưng anei, êpul mkŏ mjing klei bi lông bruă klei mrâo Kmŭt mniă êa mah mơ̆ng bruă Đảng čar Kon Tum mđup brei leh 35 klei pah mni, hlăm anăn mâo 8 klei pah mni ênoh B; 12 klei pah mni ênoh C lehanăn 15 klei pah mni bi mđĭ ai kơ dŭm phung čih, êpul phung čih klei mrâo bi lông hlăm bruă mkŏ mjing Đảng mơ̆ng bruă Đảng čar Kon Tum tal 4 thŭn 2024.