Anei jing dŭm hdră bruă hlăm gưl rŭ mdơ̆ng tal dua hlăm hruê kăm krah mlan 3 thŭn anei, mĭn tĭng bi leh hlăm mlan 6/2027 hlue si hdră êlan mơ̆ng Phŭn bruă kđi čar. 3 sang hră  knŭk kna rông ba mlir gưl dưi rŭ mdơ̆ng hruê 19/3/2026 ti dŭm să knông lăn Dak Wil, Thuận Hạnh leh anăn Tuy Đức, hŏng ênoh bi liê giăm 678 êklai prăk.

Grăp sang hră  mâo bi liê giăm 226 êklai prăk, hnơ̆ng 30 adŭ hriăm mơ̆ng adŭ 1 truh adŭ 9, ngă djŏ klei čiăng hriăm hră, hdĭp mda kơ êbeh 1000 čô hđeh sang hră leh anăn nai mtô. Kơ bruă ruh mgaih anôk ala, Knơ̆ng bruă sang čư̆ êa čar Lâm Đồng mă leh bruă hŏng pô bi liê, Knơ̆ng bruă sang čư̆ êa să leh anăn dŭm anôk bruă djŏ tuôm. Dŭm alŭ wăl ƀuăn rơ̆ng bi leh bruă ruh mgaih anôk ala êlâo hruê 30/6 kơ anăp čiăng rơ̆ng hnơ̆ng pŏk ngă hdră bruă.