Mbĭt hŏng bruă mdei hĕ êjai bruă ba yua vaccine gang mkhư̆ klei ruă hlăm êmô čiăng ksiêm duah, bi klă phŭn agha ngă kơ êmô ruă tian, bruă sang čư êa čar Lâm Đồng mñă kơ Knơ̆ng bruă lŏ hma leh anăn mđĭ kyar krĭng ƀuôn sang nao truh kơ grăp gŏ sang mâo êmô ruă čiăng mtô ngă dŭm hdră êlan gang mkhư̆ klei ruă tưp. Boh nik jing ksiêm dlăng kjăp bruă čuh tă, amâo mâo brei mâo klei čhĭ mnia, dŭ mdiăng kđeh čĭm êmô mâo klei ruă, ksiêm dlăng klei dŭ mdiăng êmô ruă kbiă mơ̆ng alŭ wăl să, kdriêk, čar, bob nik jing êmô kbao mâo klei arưp aram mâo klei ruă.

Msĕ si Sang mđung asăp blŭ Việt Nam hưn, dŭm êbâo drei êmô mă êa ksâo ti 2 kdriêk Đơn Dương leh anăn Đức Trọng mơ̆ng čar Lâm Đồng mâo klei lui ƀơ̆ng mnơ̆ng, eh kbiă êrah leh anăn hlŏng djiê. Yap truh hruê 9/8, anôk bruă djŏ tuôm čih yap mâo êbeh 3.700 drei êmô mă êa ksâo ruă tian leh anăn mâo êbeh 100 drei djiê.