
Čar Lâm Đồng ară anei mâo 180km êlan dơ̆ng pral, giăm 1.400km êlan dơ̆ng prŏng, lehanăn giăm 1.300km êlan dơ̆ng čar. Hlăm yan hjan angĭn êbŭ ktuê êlan dơ̆ng prŏng hlăm čar Lâm Đồng, msĕ si: êlan dơ̆ng mrô 20, 27, 28B, 55… mâo leh lu kdrêč klưh jhat, kdluh ngă dleh kpăk klei găn êrô.

Čiăng kơ êlan klông dưi găn êrô jăk hlăm yan hjan thŭn anei, čar Lâm Đồng hlăk ksiêm dlăng, čih yap dŭm kdrêč êlan mâo klei amâo mâo jăk hlăm 8 bĭt êlan dơ̆ng prŏng lehanăn êlan dơ̆ng čar, lehanăn mâo hdră mghaih msir bi klă. Knơ̆ng bruă sang čư̆ êa čar Lâm Đồng kiă kriê leh dŭm anôk bruă djŏ tuôm mđing dưi mâo klei êđăp ênang hlăm dŭm alŭ wăl kreh mâo klei klưh jhat hlăm čar Lâm Đồng, Dak Nông, Bình Thuận. Djŏ tuôm hŏng klei jhat klưh ti kdrêč êlan dơ̆ng prŏng mrô 14 ti Gia Nghĩa, čar mâo leh klei mtă hlăm yan hjan gak răng hrue mlam, mprăp êdeh êdâo mghaih msir bi pral ti anôk mâo klei jhat./.
Viết bình luận