Lâm Đồng mghaih msir anôk klưh lăn huĭ hyưt ti kčŭn čư̆ Prenn Đà Lạt
Thứ tư, 08:49, 15/07/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Sa anôk klưh hroh lăn huĭ hyưt ti kčŭn čư̆ Prenn- Êlan dơ̆ng prŏng mrô 20, ƀăng jang nah Dhŭng hlăm wăl krah Đà Lạt, čar Lâm Đồng dôk mâo anôk bruă djŏ tuôm msir mghaih čiăng gang mkhư̆ klei klưh hroh hlăm yan hjan êa lip.
Ti anôk klưh hroh kbưi hŏng ƀô̆ êlan kčŭn čư̆ hlăm brô 50 met, boh taih êbeh 100 met, anôk bruă mkra mjing ba yua kdrăp masin ktir čuk hli lăn boh tâo, ana hngô êbuh mjing lu gưl čiăng gang mkhư̆ klei klưh hroh. Klei Huĭ hyưt hĭn ti anôk klưh hroh anei jing dŭm boh tâo prŏng huĭ srăng lĕ hlăm êlan kčŭn čư̆.
Čiăng rơ̆ng klei êđăp ênang kơ êdeh êdâo găn êrô hlăm êlan klông, anôk bruă ba yua mtih hŏng klŭng lăn lăn čiăng gang mkhư̆ lăn boh tâo mơ̆ng ta luy nah dlông; hnơ̆ng kčah êdeh knŏng dưi găn nao mkrah wah êlan kčŭn čư̆ ti anôk klưh hroh.
Viết bình luận