Ñu mtă kơ dŭm Phŭn dhar bruă alŭ wăl lŏ dơ̆ng hyuă kjăp "3 klei bi mlih prŏng", djŏ guôp hŏng hdră dhar kreh yang ƀuôn ngă phŭn Việt Nam hlăm wưng mrâo, anăn jing: bi mlih mơ̆ng klei mĭn dlăng kơ dhar kreh jing sa mta bruă đĭ kyar jing bi mklă dhar kreh jing tur knơ̆ng ai tiê yang ƀuôn; bi mlih mơ̆ng wăl dhar kreh knhuah gru jing mđĭ kyar dhar kreh hlăm wăl anôk klă sĭt leh anăn wăl mrô; bi mlih klei mĭn kriê pioh jing phŭn jing bi mguôp kjăp plah wah kriê pioh leh anăn mbruă.

Khua gĭt gai Đảng, Khua lăn čar lač klă: Mtrŭt mđĭ bruă mkŏ mjing klei dưi kiă kriê dhar kreh hlăm wăl anôk mrô mđĭ hĭn ai dưi iêo jak, klei dưi lar bra leh anăn răng mgang dŭm boh tŭ yuôm dhar kreh Việt Nam. Hlăm wăl anôk mrô, klei bi mjĕ mjuk, mlih mrâo dhar kreh jing hdră êlan čiăng êdi, mjing klei găl čiăng kơ Việt Nam dưi dưn boh tŭ yuôm dhar kreh anak mnuih, ƀiădah mbĭt anăn ăt mdưm klei čiăng mjêč brei mđĭ hĭn ai dưi čŏng pô, klei dưi tă hdră êlan leh anăn ai ktang mơ̆ng bruă dhar kreh djuê ana.