Mđĭ ai dưi mkra mjing hlăm tur knơ̆ng mrô kơ êpul phung ngă bruă klei mrâo Lăn Dap Kngư
Thứ hai, 09:43, 01/06/2026
VOV Tây Nguyên
VOV Tây Nguyên
VOV.Êđê- Ti ƀuôn hgŭm Ƀuôn Ama Thuôt, čar Dak Lak, Anôk bruă ksiêm duah leh anăn ba yua kdrăp mrâo hâo hưn (R&D) bi mguôp hŏng anôk bruă jưh ti Lăn Dap Kngư, Sang mđung asăp blŭ Việt Nam mkŏ mjing adŭ hriăm “Bruă mkra mjing Podcast mđĭ hnơ̆ng ti dŭm tur knơ̆ng mrô”.
Nao hlăm adŭ hriăm mâo giăm 60 čô mă bruă, phung čih klei mrâo, phung mkra mjing mơ̆ng Sang mđung asăp blŭ Việt Nam leh anăn dŭm anôk bruă klei mrâo dôk ngă bruă ti čar Dak Lak, alŭ wăl Lăn Dap Kngư.
Phung nao hriăm dưi hriăm lu mta phŭn êlam msĕ si: klei mĭn mkra podcast leh anăn rup phung hmư̆ podcast, mkŏ mjing hdră mkra sa podcast, klei čih pŏk intro, outro; bruă klam leh anăn klei thâo mơ̆ng pô mtô, yua klei mmuñ, ênai hlăm podcast, ruah format djŏ guôp hŏng grăp mta. yap truh kơ ară anei, adŭ hriăm ti alŭ wăl Lăn Dap Kngư jing adŭ ta 5 dưi mkŏ mjing. Hluê anăn mâo giăm 300 čô čih klei mrâo, phung čih mkra, kỹ sư, kỹ thuật viên nao hgŭm hlăm adŭ hriăm podcast mđĭ hnơ̆ng.
Viết bình luận