Klei hưn mdah hlăm klei kƀĭn brei ƀuh klei mjĕ giăm bruă kđi čar plah wah dua ala čar lŏ dơ̆ng dưi bi kjăp, dŭm klei kuôl kă gưl dlông dưi ngă hur har, êjai anăn klei bi mguôp bruă lĭng kahan, răng mgang klei êđăp ênang lŏ dơ̆ng jing kmeh gơ̆ng yuôm bhăn. Dŭm phŭn, dhar bruă, alŭ wăl leh anăn knơ̆ng bruă dua ala čar bi trông kơ lu hdră êlan čiăng mđĭ boh tŭ dưn klei bi mguôp wưng thŭn 2026 - 2035.

K’iăng Khua Knŭk kna mñă kơ dŭm anôk bruă djŏ tuôm mtrŭt mđĭ hluê ngă dŭm klei kuôl kă, hdră êlan bi mguôp dưi siñê, mjêč ksiêm duah, hưn mdah dŭm hdră duh bi liê prŏng mơ̆ng knơ̆ng bruă Việt Nam ti Lào hlăm bruă kuai mă mnơ̆ng gŭ lăn, bruă lŏ hma leh anăn ana pla mjing. Mbĭt anăn, mtrŭt bi pral duh mkra mkŏ êlan klông phŭn msĕ si êlan dơ̆ng pral Hà Nội - Vientiane leh anăn êlan êdeh treng Vũng Áng – Vientiane.