K’iăng Khua knŭk kna yap yuôm bhăn boh tŭ klei duh bi liê, mnia mblei mơ̆ng Êpul grŭp LG leh anăn knơ̆ng bruă LG Display ti Việt Nam, đru mguôp hlăm klei mđĭ kyar bruă duh mkra ala ƀuôn ti Việt Nam, bi êlam hĭn klei mjĕ giăm ƀĭng hgŭm bi mguôp hdră êlan kluôm dhuôm Việt Nam – Dhŭng Korea.

K’iăng knŭk kna hmăng hmưi Êpul grŭp LG lŏ dơ̆ng pŏk phai klei duh bi liê ti Hải Phòng leh anăn dŭm alŭ wăl ti Việt Nam, mñă kơ Êpul grŭp duh bi liê rŭ mdơ̆ng sa anôk bruă ksiêm duah mđĭ kyar ti Việt Nam. Mbĭt anăn brei thâo, Khua knŭk kna mrâo bi klă mkra mlih Hdră čuăl mkă kluôm ƀuôn prŏng Hải Phòng truh ti thŭn 2050 hŏng mta kñăm bi mbŏ lăn yua čiăng mđĭ kyar bruă tuh tia, hluê anăn mkŏ mjing klei găl kơ phung duh bi liê, hlăm anăn mâo êpul grŭp LG pŏk phai klei duh bi liê ti ƀuôn prŏng Hải Phòng.