Ñu mñă klă anei amâo djŏ knŏng hdră êlan mă bruă, ƀiădah lŏ jing hdră êlan djuê ana, hdră êlan bi hrŏ ƀun, hdră mđĭ kyar anak mnuih leh anăn bi kjăp klei đăo knang mơ̆ng mnuih ƀuôn sang. Khua gĭt gai Đảng, Khua lăn čar mtă: Mtô bi hriăm bruă knuă leh anăn mtô mjuăt bi hriăm klei thâo srăng nao mbĭt hŏng hdră duh ƀơ̆ng mơ̆ng grăp krĭng, grăp djuê ana, grăp êpul êya, amâo mâo yua klei bi hmô mbĭt, amâo mâo mtô mjuăt hluê hdră bruă. 

Brei mđing kơ bruă lŏ hma hnơ̆ng jăk, bruă duh mkra dliê, ana mkra mjing êa drao, rông mnơng, mkra mjing hŏng kiê kngan, hiu čhưn ênguê êpul êya, răng mgang leh anăn mđĭ kyar dliê; pŏk mlar hdră duh ƀơ̆ng kơ mnuih mă bruă ti krĭng mnuih mă bruă ti krĭng mnuih djuê ƀiă. Knŭk kna đru kơ anôk bruă brei čan prăk, hưn mthâo, mjuăt bi hriăm hdră bhiăn; anôk duh mkra, êpul hgŭm bruă, anôk mkra mjing, bi hgŭm hrui blei ktrâo lač kơ hdră mnêč, mkŏ mjing anăn knăl, hnơ̆ng čuăn tŭ jăk; alŭ mkă mkŏ bruă mă êđăp ênang, bi hrŏ klei hui duah dôk, dêč kơ klei mnuih ƀuôn sang lĕ hlăm klei arăng mplư.