Sang mđung asăp blŭ Việt Nam drông Êpul bi ala Sang mđung rup – mđung asăp Quảng Tây (China)
Thứ sáu, 11:29, 18/07/2025
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Tlam 17/7, kơiăng khua knơ̆ng bruă Sang mđung asăp blŭ Việt Nam Ngô Minh Hiển drông leh Êpul bi ala Knơ̆ng bruă mđung asăp – mđung rup krĭng čŏng kriê dlăng djuê ana Choang Quảng Tây (China).
Gưl hiu čhưn dôk hlăm hdră bi mjĕ mjuk Việt Nam – China. Ngô Minh Hiển mñă: Sang mđung asăp blŭ Việt Nam dlăng myuôm klei bi mjĕ hgŭm bruă hŏng China, bi êdah hluê hŏng lu hdră mđung asăp – mđung rup đru kơ mnuih ƀuôn sang dua ala čar thâo săng hĭn kơ klei bi mjĕ hgŭm mguôp.
Boh nik, hdră mjĕ mjuk mkŏ mjing hruê 18/7 kñăm kkuh mơak 75 thŭn hruê mkŏ mjing klei bi mjĕ Việt Nam – China lehanăn “Thŭn bi mjĕ mjuk jăk siam 2025”. Hoàng Trí Hằng – kơiăng khua knơ̆ng bruă mđung asăp – mđung rup Quảng Tây mñă: Sang mđung asăp blŭ Việt Nam jing ƀĭng hgŭm yuôm bhăn hŏng lu hdră bi hgŭm tŭ dưn hlăm wưng êgao. Hdră mjĕ mjuk gưl tal anei tŭ jing, lŏ dơ̆ng lar bra klei bi mjĕ dua ala čar./.
Viết bình luận