Simexco 2-9 Dak Lak, knơ̆ng bruă Knŭk kna ba anăp ba kphê Việt truh kơ tar rŏng lăn
Thứ tư, 09:08, 04/11/2026
VOV Tây Nguyên
VOV Tây Nguyên
VOV.Êđê- Ti Dak Lak, knơ̆ng bruă duh mkra mnia mblei 2-9 Dak Lak (Simexco Dak Lak) mkŏ mjing knăm tŭ mă mêđai êngiê mrô 3, ksiêm wĭt wưng pla mjing 2025 - 2026 leh anăn ba mdah anăn pia mrâo jing Knng bruă duh mkra mnia mblei Knơ̆ng bruă kluôm Simexco Dak Lak 2/9.
Ară anei Simexco Đak Lak bi mguôp hŏng hlăm brô 65.000 ha krĭng pla mjing, hrăm mbĭt hŏng hlăm brô 70.000 gŏ sang ngă lŏ hma, mtrŭt mđĭ bruă mkra mjing hơĭt kjăp, tui duah phŭn agha leh anăn mđĭ hnơ̆ng jăk kơ kphê, tiu. Anei jing tur knơ̆ng čiăng kơ knơ̆ng bruă mđĭ ai bi ktưn, nao hgŭm êlam hĭn hlăm boh tŭ yuôm tar rŏng lăn.
Blŭ hrăm hlăm knăm, Lương Nguyễn Minh Triết, khua bruă Đảng čar Dak Lak mñă kơ Knơ̆ng bruă kluôm Simexco Đak Lak lŏ dơ̆ng bi lar bruă klam nao êlâo, ktrâo atăt mơ̆ng knơ̆ng bruă Knŭk kna, mlih mrâo klei kiă kriê, mđĭ boh tŭ dưn ba yua ngăn prăk Knŭk kna, mtrŭt mđĭ klei mkra mjing êlam, mđĭ kyar anăn knăl kphê Ƀuôn Ama Thuô̆t leh anăn pŏk mlar anôk mnia mblei lu ala čar.
Viết bình luận