Yap truh hruê 18/6, čar Dak Lak bi leh bruă kđăm mkra hdră mbĭt hŏng êbeh 1.700 pŏk hră iêo jak wăt klei Yuăn leh anăn klei Angle, mơĭt kơ phung bi ala, phung duh bi liê hlăm leh anăn êngao lăn čar.

Klei kƀĭn trông mtrŭt mđĭ klei duh bi liê tal êlâo leh bi mŭt čar, Dak Lak mĭn tĭng srăng jao klei bi klă hdră êlan tŭ ư hdră êlan duh bi liê, hră tŭ yap amâodah hră bi hdơr ko3w 28 hdră prŏng, ênoh prăk bi klă truh giăm 43.500 êklai prăk. Čiăng rơ̆ng kơ klei kƀĭn trông mkŏ mjing tŭ dưn, iêo jak lu phung duh bi liê, khua Bruă sang čư̆ êa čar Dak Lak Đỗ Hữu Huy mñă kơ dŭm knơ̆ng, dhar bruă lŏ dơ̆ng ksiêm dlăng dŭm hdră, čŏng pô bi tuôm hŏng knơ̆ng bruă leh anăn bi kluôm dŭm klei găl mkŏ mjing hdră bruă.