Leh knăm drông ti Adŭ bruă Knŭk kna, dua Khua knŭk kna hluê ngă leh hdră bi trông lehanăn mñă klei gĭr lŏ dơ̆ng ksŭl mbŭ klei bi mjĕ prŏng kdrưh, hgŭm mguôp, hgŭm bruă kluôm dhuôm lehanăn bi mguôp hlăm dŭm bruă phŭn plah wah Việt Nam - Lào.

Dua tĭng bi mni kơ dŭm boh tŭ hdră hgŭm bruă hlăm wưng êgao, mbĭt anăn tŭ ư bi hgŭm mđĭ lar tŭ dưn dŭm klei bhiăn hgŭm bruă, pŏk ngă kjăp klei kuôl kă gưl dlông lehanăn Bi hgŭm bruă dua nah wưng thŭn 2026 – 2030. Kơ hdră duh mkra, dua ala čar tŭ ư mtrŭt mđĭ bruă mkŏ mkra anôk bruă êlan klông, logistics lehanăn mnia mblei hluê hdră bi mlih mơ̆ng bruă bi hgŭm mjĕ mjuk jing bi hgŭm ngă bruă tŭ dưn; hrăm mbĭt mđĭ kyar, mđing kơ dŭm hdră phŭn msĕ si êlan êran pral Hà Nội - Viêng Chăn, êlan treng Vũng Áng - Viêng Chăn, đru mđĭ hĭn klei bi hgŭm krĭng wăl./.