VOV4.Êđê- Hruê 16/2, Sang êa drao Sang hră gưl prŏng Ƀuôn Ama Thuôt ti ƀuôn hgŭm Tân An, ƀuôn prŏng Ƀuôn Ama Thuôt, čar Dak Lak mkŏ mjing leh Knăm hưn mthâo lehanăn mŭt ngă bruă.  Sang êa drao anei mâo ênoh duh bi liê êbeh 600 êklai prăk, ngă bruă hŏng 200 boh jhưng đih hlăm dŭm adŭ mdrao: Ngoại Tổng Quát; Ngoại Thần Kinh; Nội Tổng hợp; Ƀă kkiêng anak; Đru kơ hdră ƀă kkiêng anak IVF; Klei ruă hlăm kboh; Chẩn Đoán Hình Ảnh; Ksiêm mkă dlăng kman; Ksiêm dlăng lehanăn mdrao klei ruă brŭ; Anôk bruă ksiêm dlăng klei ruă hlăm êgei mbah – ƀô̆ mta – bi msiam...

Sang êa drao dưi mprăp dŭm hdră čiăng ksiêm mkă dlăng klei ruă hluê hdră mă fim rup lehanăn dŏng mdrao hluê hdră mrâo. Sang êa drao Sang hră gưl prŏng Ƀuôn Ama Thuôt dưi mkŏ mjing srăng đru bi hrŏ klei ktrŏ kơ dŭm sang êa drao gưl dlông, boh nik mkăp kơ klei čiăng dŏng mdrao ti alŭ wăl hlăm bruă ba yua kdrăp mrâo hlăm hdră mdrao klei ruă kboh, ngoại khoa, đru mdrao kơ hdră ƀă kkiêng anak .... hŏng hnơ̆ng tŭ jăk djăp hnơ̆ng čuăn hlăm tar rŏng lăn./.

Pô mblang: H’Nêč Êñuôl