VOV4.Êđê - Jing čar ba akŏ hlăm alŭ wăl Lăn Dap Kngư kơ bruă tlŏ vaccine gang mkhư̆ klei ruă tưp Covid 19, čar Daknông mâo tlŏ leh ênŭm aruăt tal dua kơ hđeh mơ̆ng 12 truh 17 thŭn, lehanăn ară anei hlăk dôk lŏ tlŏ aruăt tal 3 kơ mnuih êgao kơ 18 thŭn. Ênoh mâo tlŏ mgang prŏng đru leh sa kdrêč bi hrŏ ênoh djiê mơ̆ng covid 19 ti Daknông jing ƀiă hĭn mka hŏng kluôm ala.

Truh kơ ară anei kluôm čar mâo tlŏ leh ênŭm aruăt tal 2 kơ hđeh mơ̆ng 12 - 17 thŭn êbeh 96%. Hrue kăm êlâo, čar mâo tŭ mă leh 110 êbâo hnơ̆ng vaccine djăp mta lŏ dơ̆ng tlŏ aruăt tal 3 kơ phung ƀuôn sang. Tĭng truh hrue 13/1, čar Daknông mâo leh truh 6 êbâo 553 čô mnuih djŏ kman klei ruă tưp Covid 19, hlăm ênoh anăn lu dưi mdrao hlao leh sơăi, knŏng mâo mă 15 čô mnuih djiê./.

Y-Khem pô mblang