VOV4.Êđê - Klei hâo hưn mơ̆ng bruă ksiêm dlăng klei ruă tưp ƀuôn prŏng Hà Nội brei thâo hruê mbruê 20/2, hlăm alŭ wăl ƀuôn prŏng čih yap mâo leh 5102 čô mnuih mâo klei ruă tưp Covid-19, hlăm anăn mâo 1518 čô mnuih ruă hlăm êpul êya yang ƀuôn. Bruă sang čư êa ƀuôn prŏng jao kơ bruă sang čư êa dŭm kdriêk čar, kdriêk, wăl krah lŏ dơ̆ng gĭt gai kơ dŭm să, ƀuôn hgŭm, wăl krah đua bruă klam mkŏ mjing klei ksiêm dlăng leh anăn mkŏ mjing hră anăn dŭm gŏ sang mâo klei hyưt. Anăn jing phung mâo klei ruă êlâo, phung mơ̆ng 65 thŭn kơ dlông, mniê ba tian, phung ka tlŏ mgang ênŭm vaccine gang mkhư̆ klei ruă tưp Covid-19 mơ̆ng 18 thŭn kơ dlông. Dŭm alŭ wăl hluê si hră anăn anei čiăng mkăp brei ênoh kdrăp ksiêm mkă hmar, gĭt gai kơ dŭm anôk bruă djŏ tuôm mkŏ mjing bruă blei kdrăp ksiêm mkra hmar čiăng ngă bruă ksiêm mkă.

Y-Ƀel pô mblang