VOV4.Êđê - Hrue mbrue (21/2), adŭ bruă knŭk kna mâo leh klei hưn mthâo mơ̆ng k’iăng khua knŭk kna Vũ Đức Đam ti anôk bi kƀĭn online kluôm ala kơ bruă pŏk ƀăng sang hră ti djăp alŭ wăl. Hlue anăn, k’iăng khua knŭk kna Vũ Đức Đam mtă kơ phŭn bruă mdrao mgŭn mkŏ mjing hdră tlo vaccine kơ phung hđeh mơ̆ng 5 truh 12 thŭn, mtrŭn kơ bruă ktrâo atăt klei mkă dlăng, bi ktlah phung hđeh, hđeh hriăm hră bi djŏ guôp, mâo klei thâo mĭn, dlăng kriê klei suaih pral phung hđeh, hđeh hriăm hră mâo leh klei ruă êlâo, kčĕ kơ bruă răng kriê klei suaih pral phung hđeh, ksiêm dlăng hrue mmông čoh čuăn klei bi ktlah ti sang hŏng phung hđeh, hđeh hriăm hră jing F1 bi djŏ guôp. Phŭn bruă sang hră mơar lŏ dơ̆ng mkŏ mjing, bi kjăp jih jang hdră mtô bi hriăm hŏng tivi, mtô hŏng online jing hdră mlih mrâo hlăm bruă sang hră mơar./.

Y-Khem pô mblang