VOV4.Êđê - Hluê si klei hâo hưn mơ̆ng Anôk bruă gĭt gai gang mkhư̆ Covid-19 mơ̆ng Knơ̆ng bruă djuê ana, čih mklin leh gưl Tết nguyên đán truh ară anei, kluôm ala  mâo 66.460 čô mnuih djuê ƀiă djŏ Covid-19. Klă klơ̆ng, krĭng wăl Yŭ Dhŭng mâo êbeh 5.200 čô mnuih, kwar Krah - Lăn Dap Kngư mâo hlăm brô 16.300 čô, ƀuôn prŏng Hồ Chí Minh - Ngŏ kwar Dhŭng mâo êbeh 42.200 čô…  Wăt tơdah dŭm alŭ wăl ba yua leh lu hdră mdrơ̆ng, êđăp ênang, mbruă leh anăn ktuê dlăng klei ruă tưp, ƀiădah boh klei hmaĭ leh kơ klei hdĭp mnuih ƀuôn sang dleh dlan leh ară anei lŏ dơ̆ng dleh dlan hĭn. Kơ hnơ̆ng sui lu alŭ wăl tuôm hŏng dleh dlan hlăm bruă msir mgaih bruă mă kơ mnuih mă bruă, boh nik phung mă bruă ƀun, mnuih djuê ƀiă kyua hmaĭ mơ̆ng klei ruă Covid-19 sui đei./.

H’Zawut pô mblang