VOV4.Êđê- Knơ̆ng bruă sang čư̆ êa čar Kontum bi tŭ ư leh kơ klei akâo čiăng kơ knơ̆ng bruă mdrao mgŭn lehanăn ngăn prăk mdei êjai klei đru kơ Êpul bruă mdrơ̆ng hŏng klei ruă tưp covid 19. Kčưm mơ̆ng hrue 15/2 jih jang êpul bruă anei amâo lŏ mâo prăk đru ôh.

Lehanăn jih jang êpul bruă anei bi hrŏ mơh mnuih ngă bruă. Êlâo anăn mơ̆ng hrue 15/7/2021, čar Kontum đru leh kơ êpul bruă mdrơ̆ng hŏng klei ruă tưp hŏng ênoh 80 êbâo prăk/čô/hrue. Ênoh mnuih dưi đru hlăm grăp êpul jing amâo mâo êgao ôh sa čô hlăm êpul/hrue./.

Pô mblang: Y-Khem Niê