VOV4.Êđê - Hluê si Anôk bruă ala čar gĭt gai hdră čŏng myơr êrah thŭn 2022, kluôm ala gĭr mâo 1 êklăk 480 êbâo mrô êrah doh, ênoh mnuih čŏng ba myơr êrah truh 99%, ênoh mnuih lŏ nao myơr êrah mơ̆ng 50% - 53%; ênoh mnuih ƀuôn sang nao myơr êrah bi knar mâo 1,5%. K’iăng khua êpul gru bi kal hrah Việt Nam Trần Quốc Hùng brei thâo, čiăng dưi mâo mta kñăm mtrŭt mjhar hdră čŏng myơr êrah truh 1 êklăk 480 êbâo mrô êrah doh hlăm thŭn 2022, Êpul gru bi kal hrah Việt Nam – êpul bruă hlăm Anôk bruă ala čar gĭt gai hdră čŏng myơr gĭt gai leh dŭm êpul êya bruă, êpul gru bi kal hrah dŭm gưl pral čih mkra hdră kčah djŏ hŏng klei čiăng mơ̆ng grăp gưl, grăp dhar bruă, bi hgŭm hŏng anôk bruă tŭ mă êrah mkŏ mjing hdră myơr êrah hlăm grăp thŭn. Êlâo hĭn jing pŏk ngă jăk hdră bruă “Knăm m’ak yan mnga hrah” thŭn 2022”./.

H’Nêč pô mblang