VOV4.Êđê- Ƀri bi hdơr 76 thŭn hrue kgŭ krŭ kdơ̆ng mlan 8 (19/8), lehanăn hrue mkŏ mjing lăn čar 2/9 (1945 – 2021), aguah mbrue (31/8), Anôk bruă ksiêm hriăm kơ Hồ Chí Minh lehanăn phung khua gĭt gai mơ̆ng Đảng hlăm (Sang hră ksiêm hriăm bruă kđi čar ala čar Hồ Chí Minh) hgŭm hŏng anôk bruă knhuah gru Khua gĭt gai Hồ Chí Minh, hlăm Anôk bruă khua lăn čar mkŏ mjing klei trông čhai kreh knhâo kơ klei dưi êngiê, êđăp ênang, jăk mơak”. Hlăm klei hdĭp, Khua gĭt gai Hồ Chí Minh mâo leh klei gĭr hŏng jih ai tiê săn asei mlei kyua dŭm mta kñăm, klei tŭ dưn prŏng kơ djuê ana, lehanăn anak mnuih, hlăm anăn jing klei êpa mhao kơ klei dưi êngiê, klei êđăp ênang, klei mơak mñai. Ti anôk bi trông, k’iăng nai prŏng, nai prĭn Lê Văn Lợi, k’iăng khua kiă kriê sang ksiêm hriăm kơ bruă kđi čar ala čar Hồ Chí Minh mñă, ară anei, kluôm Đảng, jih jang phung ƀuôn sang hlăk hlue ngă hdră mtrŭn klei bi kƀĭn prŏng Đảng kluôm ala gưl 13, mđĭ hĭng klei mtrŭt mjhar tui hriăm, hlue ngă knhuah mngač Hồ Chí Minh, ngă jăk djăp hdră gang mkhư̆ msưh kdŭn klei ruă tưp Covid 19, răng mgang klei suaih pral jih jang mnuih./.

Pô mblang: Y-Khem Niê