VOV4.Êđê- Bi hdơr 110 hrue Awa Hô tui duah êlan sua wĭt klei êngiê ala čar (5/6) lehanăn 80 thŭn Hrue ñu wĭt kơ lăn čar kiă kriê klei Việt Nam krŭ kdơ̆ng (28/1), aguah mbrue (26/5) ti Hà Nội Sang hră ksiêm hriăm kơ bruă kđi čar ala čar Hồ Chí Minh hgŭm leh hŏng Anôk bruă kiă kriê klei hâo hưn gưl dlông, bruă Đảng ƀuôn prŏng Hồ Chí Minh lehanăn bruă Đảng čar Cao Bằng mkŏ mjing klei trông čhai kreh knhâo gưl ala car hŏng akŏ “Hồ Chí Minh hŏng bruă tui duah klei hnŭk êngiê kơ djuê ana, lehanăn yang ƀuôn ngă phŭn”.

Blŭ hrăm ti anôk trông chai Nguyễn Xuân Thắng Khua kiă kriê Sang hră ksiêm hriăm kơ bruă kđi čar ala čar Hồ Chí Minh, Khua kiă kriê klei hlak mblang gưl dlông mñă, klei êpa mhao kơ klei hnŭk êngiê – êđăp ênang – lehanăn jăk yâo, boh tŭ dưn mơ̆ng klei krŭ kdơ̆ng mâo khua gĭt gai Hồ Chí Minh tă leh êlan, jing klei mĭng mơ̆ng ñu adôk nanao klei tŭ dưn hlăm bruă tă êlan ba wĭt lu klei tŭ dưn kơ cách mạng Việt Nam, hlăm anăn mâo dŭm boh tŭ dưn prŏng prĭn, mâo klei yuôm bhăn kơ hƀuê ênuk mơ̆ng 35 thŭn mlih mrâo, jing klei Khua gĭt gai Đảng Nguyễn Phú Trọng bi klă leh, lăn čar drei ka tuôm mâo ôh klei găl, klei jăk, mâo k’hưm yuôm bhăn hŏng ala tač êngao msĕ si ară anei./.

Pô mblang: Y-Khem Niê