VOV4.Êđê -Hla\m gưl adiê hjan êa lip lê] mrâo êgao, klei truh đuôm val po\k êa phu\n pui kmla\ Dak kar, ti kdriêk Dak R’Lâp, ]ar Daknông nga\ kơ hdra\ brua\ anei hu^ sra\ng m]ah knơ\ng kdơ\ng êa, arưp hu^ hyưt truh kơ klei hd^p lehana\n nga\n dra\p du\m kr^ng nah tluôn Daknông, Bình Phước lehana\n Lâm Đồng. Leh du\m hruê g^r ktưn mơ\ng êpul ma\ brua\, klei truh anei dưi msir mghaih, val dưi lo\ po\k, êa hla\m ênao êa tru\n ti hnơ\ng êđa\p ênang. Mơ\ng klei truh anei brei [uh klei nga\ ngơi, amâo mđing mơ\ng anôk duh bi liê lehana\n klei mtu\k mtu\l mơ\ng anôk brua\ djo\ tuôm ti ana\p klei truh mjê] mse\ snei.

Hdră bruă phu\n pui kmlă Dak Kar mâo hnơ\ng pui kmlă 12MW, ho\ng hnơ\ng êa mâo êbeh 11m3 dưi ru\ mdơ\ng ti êa hnoh Dak Kar, jing kr^ng ]ư\ ]hia\ng, bi knông plah wah 2 kdriêk Dak Rlâp, ]ar Dak Nông ho\ng Bù Đăng, ]ar Bình Phước. Hdră bruă anei hlăk ti wưng bi leh, mgơ\ng êa ]ia\ng lông ba yua snăn đuôm wal kđăl po\k êa ti gu\. Klei truh anei mâo hlăm wưng adiê hjan êa lip lê] kluh hriê, ngă kơ hnơ\ng êa hlăm knơ\ng kdơ\ng êa đ^ lu păt ]ia\ng truh kơ [o# ro\ng knơ\ng êa, ti đa đa anôk êa dơ\ng dlai êgao knơ\ng, bi êdah klei êa kur leh ana\n êlan đ^ng mđoh êa ăt m]ah mơh.

Ti ana\p klei hu^ hyưt  m]ah knơ\ng kdơ\ng êa, mmăt hruê 8/8, Dhar bruă g^t gai gưl dlông mdrơ\ng ho\ng klei yan adiê ngă leh ana\n mâo leh hră mtru\n mjê] mơ^t kơ Anôk bruă mdrơ\ng ho\ng klei yan adiê ngă leh ana\n do\ng mtlaih mnuih du\m ]ar Dak Nông, Bình Phước, Lâm Đồng leh ana\n anôk bruă djo\ tuôm bi hgu\m mdrơ\ng ho\ng klei mâo. Hruê 9/8, 2 ]ar Bình Phước leh ana\n Lâm Đồng mbe\ đue# mjê] 5.700 ]ô mnuih [uôn sang ti kr^ng nah tluôn nao ti anôk êđăp ênang leh ana\n g^t gai anôk bruă djo\ tuôm bi hgu\m ho\ng anôk bruă duh bi liê jing Knơ\ng bruă pui kmlă Dak Kar po\k ngă du\m hdră msir mgaih klei truh.

Leh ba lu hdră msir, anôk bruă phu\n pui kmlă Dak Kar yua tơi ]ia\ng mđ^ wal po\k êa kơ dlông

Hlăk êjai anôk bruă duh bi liê hdră bruă dôk duah djăp hdră msir mgaih ]ia\ng bi hro\ hnơ\ng êa hlăm knơ\ng kdơ\ng êa Dak Kar, boh nik yap wa\t hdră mtuh min ]ia\ng bi hro\ hnơ\ng êa hlăm knơ\ng kdơ\ng êa, snăn mơ\ng ako\ êa, Sang ma^ pui kmlă Dak Sin 1 po\k êa mjê] ho\ng hnơ\ng 126m3/s kyua klưh ]ư\ ngă dlưh kdrăp kơ\ng êa. Klei hu^ hyưt klưh knơ\ng kdơ\ng êa Hdră bruă phu\n pui kmlă lo\ đ^. Leh dua hruê mlam tram hlăm êa hl^m hjan, truh hruê 10/8, êpul mă bruă dưi po\k jih 2 wal kđăl po\k êa, hnơ\ng êa hlăm knơ\ng kdơ\ng êa phu\n pui kmla Dak Kar hro\ leh êlam, kbưi ho\ng ro\ng knơ\ng kdơ\ng êa giăm 5 mét, leh ana\n lo\ w^t ti hnơ\ng êđăp ênang.

Ti ana\p klei truh jhat kjham, arưp kơ klei hd^p mda leh ana\n mnơ\ng hdơ\ng sa kr^ng pro\ng ti nah tluôn, Chu Văn Quyền – Khua Knơ\ng bruă phu\n pui kmlă Dak Kar hlak mblang mta phu\n jing kyua sang ma^ ka ba yua, kđăl he\ wal mđoh êa ana\n mâo lu ana kyâo krô đung leh ana\n đuôm kal he\ ti wal amâo dưi lo\ po\k ôh. Hlăm hdră bruă kriê dlăng knu\k kna, Bùi Huy Thành, Khua Knơ\ng bruă tuh tia mnia blei Dak Nông ăt tu\ ư ho\ng klei bi mklă mơ\ng anôk bruă duh bi liê snei, mta phu\n đuôm wal po\k êa mơ\ng hdră bruă phu\n pui kmlă Dak Kar jing kyua djuh, ana kyâo leh ana\n lăn boh tâo kdơr he\.

“Digơ\ dôk mgơ\ng êa ]ia\ng lông ba yua, leh tuôm ho\ng adiê hjan, êa lip snăn ngă kơ wal hlo\ng đuôm amâo dưi lo\ mđ^ kơ dlông ôh. Năng ai `u kyua mâo mnơ\ng ktư\ he\ mse\ si djuh, kyâo, boh tâo ti gu\ tur knơ\ng kdơ\ng êa đoh hriê êtăng ana\n đuôm”.

Phu\n pui kmlă Dak Kar ara\ anei w^t ti hnơ\ng êđâp ênang

Bi Lê Viết Thuận – Khua hlăm Anôk bruă g^t gai mdrơ\ng ho\ng klei yan adiê ngă leh ana\n đru do\ng mnuih ]ar Dak Nông, brei thâo, hlăm wưng êgao, êpul bruă djo\ tuôm ăt khăng nao ksiêm dlăng ti hdră bruă phu\n pui kmlă Dak Kar [ia\ dah amâo [uh ôh ana kyâo kang ti wal. Khă snăn, ti ana\p klei truh kjham anei, alu\ wa\l ăt ka đei thâo răng leh ana\n dôk mtu\k mtul.

“Anei jing gưl adiê hjan pro\ng êdi leh ana\n hlăm wang 30 thu\n êgao mrâo lo\ mâo, hdră bruă phu\n pui kmlă Dak Kar snăn hlăk dôk hlăm wưng ru\ mkra ka dưi ba yua ana\n jih jang du\m hdră lông ba yua ka hmao mprăp ôh. Kyua êa lip lê] amâo thâo êlâo ôh, Anôk bruă duh bi liê ăt kăn mđing kơ yan adiê, kyua ana\n êa lip lê] kluh hriê pral leh ana\n di`u amâo hmao lo\ mgaih msir ôh.”

Bruă dưi po\k 2 wa\l po\k kđăl êa mơ\ng hdră bruă phu\n pui kmlă Dak kar mse\ si dưi ruh mơ\ng ako\ mtuh mơ\ng “[om êa” dôk yuôl ti ko\. Kluôm kr^ng nah tluôn hlăm alu\ wa\l ]ar Dak Nông, Bình Phước leh ana\n Lâm Đồng hơ^t ai tiê. Khă sơnăn, mơ\ng klei mâo kjham anei, brei [uh klei mđing uê` mơ\ng anôk bruă duh bi liê kơ hdră bruă phu\n pui kmlă Dak Kar, klei mtu\k mtul, amâo thâo răng mơ\ng anôk bruă djo\ tuôm alu\ wa\l s^t mdrơ\ng ho\ng boh klei mâo hlăm yan hjan êa lip lê].

H’Zawut Buôn yă pô mblang