VOV4.Êđê - Aguah mbrue (6/7), bi trông hŏng phung ngă bruă klei mrâo, pô bi ala kiă kriê knơ̆ng kjăp, Phŭn bruă sang hră mơar brei thâo, yap truh 4h30' tlam hrue 5/6/2021, kluôm ala mâo leh truh 11 êbâo 551 čô hđeh ti 39 boh čar, ƀuôn prŏng srăng bi lông ti gưl 2 jih gưl 3, kyua hmăi amâo mâo jăk mơ̆ng klei ruă tưp covid 19, hlăm anăn lu hĭn êdi jing dua boh čar Bình Định mâo 2 êbâo 569 čô hđeh, lehanăn Bắc Giang mâo 2 êbâo 477 čô hđeh. Tui si hdră mơ̆ng phŭn bruă sang hră mơar, phung hđeh anei srăng bi lông ti gưl tal 2, wưng mkŏ mjing srăng tui hlue si boh klei ruă tưp leh êdu. Dŭm adôk jing hđeh bi lông tal sa mơ̆ng hrue 7/7 - 8/7. Mbĭt hŏng anăn, Phŭn bruă sang hră mơar ăt srăng ksiêm dlăng hrŏng ruah gưl 1 leh dua gưl bi lông jih gưl 3 kñăm ba wĭt klei tŭ dưn, klei mtăp mđơr kơ hđeh hriăm hră. Kyuanăn, phung hđeh bi lông gưl dua amâo srăng hnĭng ôh huĭdah amâo mâo hrŏng ruah mŭt gưl prŏng./.

Y Khem pô mblang