VOV4.Êđê - Knăm mtrŭt mđĭ bruă hiu čhưn ênguê lehanăn dhar kreh mnơ̆ng ƀơ̆ng Hà Nội thŭn 2021 ba dŭm êbâo tuôr hiu čhưn, dŭm hdră hiu čhưn ênguê mrâo, lu mta lehanăn mâo lu hdră jăk găl, srăng mkŏ mjing mơ̆ng hruê 16 – 18/4, ti krĭng Knưng bi hdơr kơ Lý Thái Tổ, quận Hoàn Kiếm, Hà Nội. Anei jing hdră mđing truh kơ hdră mtrŭt mđĭ bruă hiu čhưn ênguê hlăm ala čar mâo Knŭk kna mtrŭt mjhar hŏng pruê̆ blŭ “Mnuih Việt Nam hiu čhưn ênguê hlăm Việt Nam’’ lehanăn lŏ krŭ wĭt bruă hiu čhưn ênguê hlăm ala čar bi hgŭm hŏng dŭm alŭ wăl leh wưng hmăi mơ̆ng klei ruă Covid 19. Hlăm hdră knăm m’ak anei, Knơ̆ng bruă hiu čhưn ênguê Hà Nội srăng gĭt gai, bi hgŭm hŏng Anôk mtrŭt mđĭ hdră duh bi liê, mnia mblei, hiu čhưn ênguê mkŏ mjing dŭm bruă Famtrip kơ phung bi ala, kơ anôk bruă duh mkra hiu čhưn ênguê, phung mă bruă klei mrâo mơ̆ng dŭm čar, ƀuôn prŏng nao ksiêm dlăng hdră hiu čhưn ênguê ti alŭ wăl ƀuôn prŏng phŭn./.

H’Nêč pô mblang